Duas paragulas in limba pro totus sos amigos in sa die de s’anniversariu meu.

A sos chimbantases annos, cussu chi in italianu naramos “compleanno”, s’anniversariu de sa naschida mia in Nugoro (in sa domo de sas Mastras Corda in carrela nominada via Gramsci) apo detzisu chi depo torrare a leare cussu chi est nos ateros: sa limba. Apo jae iscrittu chi est istada proîbida dae sos Ducas e apustis Principes de Savoia, chi ant zapadu su titolo de Re, ca fuit de su Regnu de Sardigna i l’ant bendidu pro faghere su Regno d’Italia faghinde de sa Sardigna una “periferia”(ma meda politicos de cussa era fuerint de acordu pessande a sas prebendas pro issose totu) privande sa Sardigna de s’ importanztia istorica in su risorgimentu italianu, faghinde un Istadu Italianu accentradore comente si totus fumis fizos de Roma Imperiale (sa cultura sarda e cussa siciliana enit dae meda prima de s’istoria de Roma)

Como, a sos chimbamntases annos, bos naro una cosa: podimos puru istare a intru ‘e sa Repubblica Italiana, ma amos a pretendere una Carta de Logu noa (invetzes chi sa frigonza de Statuto della Regione Autonoma della Sardegna impostu dae Roma) chi apat a istatuire: 1) chi semos una Natzione distinta per limba, istoria, cultura e traditzione, comente narant totus sas conventziones internaztionales;  2) chi amos sa competentzia in totus sa chistiones che interessant sos sardos e sa Sardigna lassande a sa Republlica Italiana sa conpetentzia in Difesa Militare, Moneta, Giustitzia e trattatos internaztionales 3) chi est obligatoriu s’insignu de s’istoria e sa limba sarda in donzi iscola sarda; 4) chi amos autonomia finanztiaria prena pro detzidere in Sardigna sas cosas chi non podent essere su matessi che in Roma, poite, come naro deo, Lollove no est Milano; 5) chi amos cussa chi in s’Universidade si jamaîadat “soggettività giuridica internazionale”, ca sos interessos de sos sardos non sunt sempre su matessi de sas ateras regiones italianas; sos problemas de sa terra nostra amos de resolverlos nois ateros cun cuscientzia e responsabilidade, ca como podimos sempre ghetare sas curpas a sos de su continente e custa cosa depet acabare.

Amigos caros, torrae a iscriere e faeddare in limba e non bos preocupades si no los faeddades comente sos jajos bostros. Su sardu puru teniat un’istandard cun sas regulas, ma a sos sardos est istadu proibidi de imparare una limba istandard. S’italianu chi faeddant fizos meos est meda diversu dae su meu e dau cussu de babu meu. S’inglesu puru est una limba sempre in evolutzione. Sa limba e sa musica classica sardas lassamolas a cussos chi sunt istudiados meda e ant sa cultura pro salvare sa traditzione (deus los mantenzat in salude).  Ma como bi cheret innovatzione puru, non solu conservatzione in sa limba comente in sa musica e totus s’artes.

Cussu chi bi cheret in Sardigna est a torrare a sa cultura nostra e la faghere “contaminare” “evolvere” abbaidande innantis e cun sa capatzidade de contare e valorizzare s’ostoria nostra e a faghere nois puri s’istoria de su terzu millenniu

Po fagher intendere menzus ite cherzo narrere amentabos chi niunu podet negare chi Pino Daniele est istadu un artista meda rappresentativu de sa traditzione napoletana, epuru issu ha postu totus in paris inglesu, napoletanu, italianu, pop, rock, blues, jazz e bossanova.

Si cheries faghere cosa manna  pro custas ideas podes aderire a su progetu  Sardegna Stato Federale puru si sezis in foras de sa Sardigna. No est faula, bi est jae una proposta iscritta e meda sardos sunt dande adgiudu mannu.

Gratzias a totus, a chent’annos e a los contare in paris!

P.S. il giorno che il sardo diventerà materia scolastica vedrete che lo scriveró piú correttamente.